Transcription
1
Monseigneur, apres la closture de ce depeche nous avons receu ce matin seullement celle
2
qu’il vous a pleu nous faire du XIIIme de ce mois, par ce pouves entendre quelle dilligence
3
peuvent faire les postes à cheval et si avons esté bien fondes de les reduire à gens de pied.
4
Nous regarderons d’exequuter suivant votre voluncté vray que pour le respect de la garnizon
5
de la Mure sommes contrainctz vous renvoier votre ordonnance par ce que ne scavons si
6
entendes que des cinquante, lesquelz y sont establis y soient comprins les qinze
7
pour la maison forte de monsieur du Monestier ou bien si oultre les cinquante les quinze
8
ordonnes pour ceste effect y seront aussi entretenues, lesquelz quinze demeurararent
9
à la plume de celluy qui auroit copié l’ordonnance de monsieur de La Tivoliere.
10
Monseigneur, la compagnie de monsieur le duc de Savoye ayant esté yvernee en ce
11
pays durant trois mois et voiantz estre à la veille dudit jour se preparant [ajouté : de]
12
se retirer, si votre intention estoit, et comme le debvoir le commanderoit de les
13
emploier, eit [raturé : sans] s’en servir pour le service du Roy et defence de ce pais, il seroit
14
de besoing en tenir adverty les chefz eit ancores estans si proches de leurs
15
maisons et aux limites on ne les porra contenir qu’ilz ne se desbandent.
16
Monsieur d’hures, qui est icy pour les comptes de monsieur Lyonne, nous recevant
17
pour entendre le fondz de noz deniers, vous en escript. Il y a une pleincte
18
asses à notre advis mal fondee pour le respect de ceulx qui ont esté establis
19
au Pont de Beauvoisin sur ce que la mesure de l’auome [= l’aune] dudit lieu s’est trouvee
20
plus petite que celle de La Tour et de Bourgould[ ?] [Bourgaud-des-Prés ?] demandantz les arreraiges
21
avec menasses que si ceulx dudit du Pont ne en sont paies ilz yront treuver
22
les aydes avec une si bonne trouppe qu’elles s’en fascheront. Pour obvier à tout
23
desordre vous voldrions suplier en escrire au marechal de la compagnie La
24
Sortie que feut faite jusques à Vif, de laquelle tel desordre seroit advenu, qui
25
aves entendu [rature] auroit prins son fondement sur ce qu’on nous auroit donné
26
advertissement que aulcuns de noz adversaires y estoient descenduz pour pillioter actendu
27
que c’est jour de marché. Car, pour le respect de l’advertissement de monsieur le
28
Maigues de la chambre on n’a poinct passé le pont. Ceulx dudit Vif et
29
aultres Catholiques de la drap se gouteront avec juste cause de [raturé : ne] nous
30
donner pour l’advenir aulcuns advertissementz ; vous ayantz, sur ce presente, noz treshumbles
31
recommandations, nous prions dieu
32
Monseigneur, vous donner en tresbonne santé, longue vie, de Grenoble, ce
33
XVIIme jour de mars 1574
34
Votre treshumbles et obeyssans serviteurs
35
Les commis des estatz de Daufiné
36
Bourgel
37
Nous n’avons receu aulcunes
38
nouvelles de monsieur de
39
Chastelard puis le XVIIIe
40
dudite [ ?]